Biz bilan bog'laning! CALL CENTER xodimalari doimo aloqada

Varikotsel — erkaklarda ko‘p uchraydigan kasalliklardan biri bo‘lib, urug‘ tizimchasi venalarining kengayishi bilan tavsiflanadi. Ushbu kasallik moyaklarda og‘riq va noqulaylik keltirib chiqarishi, spermatozoidlar sifatini pasaytirishi hamda erkaklar bepushtligiga sabab bo‘lishi mumkin.
SABA DARMON tibbiyot markazida varikotselni davolashning zamonaviy va samarali usullaridan biri — Marmar operatsiyasi qo‘llaniladi.
Marmar usuli bugungi kunda varikotselni jarrohlik yo‘li bilan davolashning eng samarali va xavfsiz usullaridan biri hisoblanadi. Bu mikroxirurgik operatsiya bo‘lib, kengaygan venalarni bog‘lash orqali qon aylanishini normallashtirishga qaratilgan.
Operatsiya chov sohasida kichik kesma orqali, maxsus optik kattalashtirish vositalari yordamida amalga oshiriladi. Bu esa arteriyalar va limfa tomirlarini saqlab qolgan holda maksimal aniqlik bilan ishlash imkonini beradi.
✅ To‘qimalarning minimal shikastlanishi
✅ Kichik va estetik kesma
✅ Asoratlar va qaytalanish xavfining pastligi
✅ Tez tiklanish davri
✅ Operatsiyadan keyingi og‘riq va noqulaylikning kamligi
✅ Sperma ko‘rsatkichlarining yaxshilanishiga yordam berishi
✅ Erkak reproduktiv salomatligini saqlash imkoniyati
Marmar operatsiyasi quyidagi holatlarda tavsiya etilishi mumkin:
moyak sohasidagi og‘riq yoki noqulaylik;
spermogramma ko‘rsatkichlarining yomonlashuvi;
varikotsel bilan bog‘liq erkaklar bepushtligi;
moyak hajmining kichrayishi;
kasallikning rivojlanib borishi.
Ko‘pchilik bemorlar operatsiyadan keyin qisqa muddat ichida kundalik hayotiga qaytishlari mumkin. Tiklanish davrida og‘ir jismoniy yuklamalarni vaqtincha cheklash va shifokor tavsiyalariga amal qilish muhim hisoblanadi.
SABA DARMON tibbiyot markazida varikotselni aniqlash va davolash bo‘yicha kompleks yondashuv qo‘llaniladi. Bemorlar urolog-androlog ko‘rigidan o‘tadi, UZI tekshiruvlari va zarur laborator tahlillar amalga oshiriladi.
Klinikada zamonaviy mikroxirurgik texnologiyalar va tajribali mutaxassislar yordamida varikotselni samarali davolash hamda erkaklar salomatligini saqlash uchun barcha sharoitlar yaratilgan. 💙
